Phone root thatna leh thatloh na

Phone root thatna leh thatlohna kan rawn sawi dawn a, phone root awmzia la hrelo tan chuan chhiar ngei ngei chi a ni.

Mobile handset thar kan lei hian a android OS (Operating System) in load sa kha phone company in anmahni official OS an rawn dah a ni a. Apps thenkhat phei chu uninstall a theihloh thin a ni. Heng company in an rawn load sa ho hi chu a him tawk leh stable tura ngaih a ni a, virus lakah pawh a him hle a ni.

Phone root awmzia chu ahmangtu(user) in a duh chuan a phone system ah a lut thei tawh a, ama duhdan in a thlak danglam kual thei tawh dawn a ni. Phone company in an apps load sa a an rawn dah ang te pawh kha a remove zung zung theih tawh dawn a ni. Hei bakah hian application tangkai tak tak phone root loh a kan hman theihloh ang chi hman tur a awm nual a, internal storage a apps thenkhat i install ho te kha SD card ah a dah chhuah theih dan te a awm a, internal memory tlem ho tan chuan a tangkai hle. Tin application pawisa a lei ngai ang chi te pawh rooted phone ah chuan download a install tur a awm nual bawk.

Phone root thatna dang leh chu custom ROM hi a ni. Custom ROM chi hrang hrang download tur a tam tawh a mahni thu in a install ve zung zung theih a ni. Heng CynogenMod, Pranoid Android, OmniRom, MIUI etc. ROM te hi i phone model a zir khan download tur tamtak a awm. Custom ROM ho hi chu android version pawh a thar thei thin hle mahse chianlohna (bugs) neuh neuh erawh a awm thin.

Hetihlai hian phone i root chiah khan company warranty kha a chhe ve nghal bawk tih kan hriat a tha. I phone a chhiat a servicing centre a i entir hunah root an ni tih an hriat chuan i siamtir man i chawi angai ang. Tin phone root hi tihsual palh theih a ni a i phone khan a chhiat phah der ve thei bawk. A root dan tur indawt te tihkimloh emaw a root na file kimlo (corrupt) install ten chutiang chu a thleng ve thei.

Heng a chunga kan sawi atang hian i phone root leh root loh chu nangma thu a ni a, i root dawn a nih pawhin a root dan tur internet ah en la uluk takin a tihdan tur inziak ang khan iti thin dawn nia.

 

 

One thought on “Phone root thatna leh thatloh na

  • July 25, 2017 at 4:42 pm
    Permalink

    sir Please tell me how to root Redmi 3s prime

    Reply

Leave a Reply

Your email address will not be published. Required fields are marked *