Android Tips

Android phone hmangtute tana thil tangkai thenkhat te

1) Developer Mode enable

Developer mode enable kan tih chuan i duhdan in i phone kha i khawih danglam kual thei tawh dawn tihna ni. Entirnan phone root te, ROM dang install te thlengin. A tlangpuiin phone company hian developer mode hi an disable thin a ni.

Enable dan tur chu  Settings > About ah kal la Phone Build Number ah khan vawi sarih (7)  i hmet dawn nia, tichuan developer mode chu alo in enable tawh ang.

 

2) Animation Scale thlak dan

A chunga kan sawi tak ang khian, developer mode kan enable chiah khan developer option ah i phone animation te kha i set danglam thei tawh dawn a ni. Animation scale kan tih chuan i phone a application i hawn emaw close te, thlalak te i en a a rawn in display dan te kha a ni mai a. I duh chuan muangchang a rawn in hawng tur te pawn a set ve theih vek ani. Mahse effect i hman tam leh i phone performance a tichhe ve zel tih hriat tur.

Animation scale i thlak duh chuan Settings>Developer options ah kal la “Window animation scale”, “Transition animation scale”, leh “Animator duration scale” te kha 1x atang khan 0.5x (.5x) ah i set dawn nia. Developer option hi phone thenkhat ah chuan settings bakah thildang ah luh kual phawt te pawh angai mai thei. Developer option a i luh hnuah scroll thla deuh la khing kan sawi ang ho khi anlo lang ang.

developer-options


3) App Defaults a in set tihreh dan

File hawn i duh ten emaw link thenkhat te hawn i duh a automatic a application in alo in hawn tawp thin kha app default a in set thin vang te a ni. Video player i nei nual a mahse i file i hawn apianga i duh ber player a hawng zel tur chuan a default a in set na ber app kha kan tih reh angai tihna ni. Eng app pawh kha a default a lo in set sa a awm chuan tiang hian lo tih i tum thin dawn nia.

Settings>app ah kal la, Open by Default emaw Launch By Default ah khan Clear default tih kha i hmet dawn nia.

 

Leave a Reply

Your email address will not be published. Required fields are marked *